نعت شریف
علی احمد گجراتی
کُن دے سبھ آثار معطّر ہو گئے نیں
قدرت دے انوار معطّر ہو گئے نیں
نورِ نبیۖ دی اِسراں خشبوک ھِلری اے
”گلیاں تے بازار معطر ہو گئے نیں”
عشق نبیۖ دا کھِڑیائے روح دی دھرتی تے
سوچاں تے افکار معطر ہو گئے نیں
جنہاں پایا مشک منبر ”سیرت” دا
اوہناں دے کردار معطر ہو گئے نیں
ویلے دا مُکھ روشن آپۖ دی نسبت توں
صدیاں دے رُخسار معطر ہو گئے نیں
چُمنے لئی جد خاک ملی نیں طیبہ دی
ازلاں دے بیمار معطر ہو گئے نیں
احمد اِسراں وسیا اے مینہ رحمت دا
کلیاں تے کیہہ خار معطر ہو گئے نیں
Load/Hide Comments
