نعت شریف

علی احمد گجراتی

اللہ دی پہچان محمدۖ عربی اے
مومن دی جِند جان محمدۖ عربی اے
تاج فضیلت دا ہے جِس دے سِر اُتے
نبیاں دا سلطان محمدۖ عربی اے
بندیاں وِچ بندیائی آپ ۖدی ہستی توں
خصلت دا قرآن محمد ۖ عربی اے
ہر اِک شے دیوچہ توحید دی مستی دا
ازلاں توں وِجدان محمدۖ عربی اے
جِس منوائی جگ وچ ہستی خالق دی
روشن اوہ بُرہان محمدۖ عربی اے
جِسدے پاروں شرف سلامت دِھیاں دا
عالی اوہ انسان محمدۖ عربی اے
محشر اندر اپنے ہر اِک پیرو لئی
بخشش دا سامان محمدۖ عربی اے
ایتھوں پھُٹّے چشمے رب دی رحمت دے
اللہ دا فیضان محمدۖ عربی اے
آپ ۖ دے پاروں عزتاں خاکی پا گئے نیں
ہر خاکی دا مان محمدۖ عربی اے
اِنج منوایا پاک محمدۖ اللہ نوں
اللہ دا عرفان محمدۖ عربی اے
پاک علی دی ذات مفسر وحدت دی
وحدت دا عنوان محمدۖ عربی اے