وارث شاہ

عبدالحمید نظامی

جی چاہندا اج وارثا
ولیا خدا دیا پارسا
جہڑے نیں میرے چار ساہ
بیزار ساہ بیکار ساہ
میں ہیر ناویں کردیاں
سبھ جام خالی بھردیاں
پہنچاں ترے دربار تے
ہنجواں دے موتی وار کے
دکھاں دا پھولن پھول کے
کجھ پھل پھلاں چوں رول کے
دیوا عشق دا بال کے
میں حسن سارا بھال کے
تیتھوں سناں ایہہ ہیر میں
فیر سمجھاں گا تفسیر میں
جنیاں مثالاں لکھیاں
سبھ تیغ نالوں تکھیاں
جنے ترے اکھان نیں
سبھ ہیریاں دی کان نیں
گبھرو دلاں دی سٹ توں
کڈھے عشق دے وٹ توں
تیرے جہی کِتے گل نہیں
آئونا کسے نوں ول نہیں
آ جا مرے ہن وارثا
نظامی تیرا بے وارثا