نعلین مبارک ویکھے

عبدالحمید نظامی

لاہوتی کردے سیر نعلین مبارک ویکھے
کئیاں نوں دیندے خیر نعلین مبارک ویکھے
جو ہتھ یداللہ نیں جہدے بول خدا دے نیں
وچ لاٹاں ماردے پیر نعلین مبارک ویکھے
لاٹھی دے نال لاٹھی ہوئی پاک وجودوں روشن
وچ نور دے اٹھے پہر نعلین مبارک ویکھے
بہلول قلندر وانگ جنت ونڈی جاندے نیں
وچ رہندے اپنی لہر نعلین مبارک ویکھے
کوئی بد کردار شریر ٹھہر نہیں سکدا اگے
پئے کٹدے جادو سحر نعلین مبارک ویکھے
ہتھ عمر فاروق دے شیشی وچ زہر ہوئی تریاق
انج ختم کریندے زہر نعلین مبارک ویکھے
بھیت کسے دا پائونا کوئی سوکھا نہیں نظامی
میں ڈونگھے ویہن چ تیر نعلین مبارک ویکھے