نعلین پاک دے صدقے

عبدالحمید نظامی

یارو منگو رب توں دے کے ناویں پاک نعلیناں دے
کرو دعاواں دے کے واسطے بھاویں پاک نعلیناں دے
نقشہ اکھیں چمیا کر پاک درود وی پڑھیا کر توں
جس ویلے وی سامنے ہو کے آویں پاک نعلیناں دے
رب وی بوٹے جنت دے وچ تیرے نانویں لاوے گا
بوٹے جیکر اپنے دل وچ لاویں پاک نعلیناں دے
حشر دیہاڑے مولا اگے آپ سفارش کرسن گے
بہہ جایا کر نال محبت چھاویں پاک نعلیناں دے
حاسد چُپاں وٹ جاون گے دشمن آپ سلام کرے
تختی وچ تعویز جے رکھ لے جاویں پاک نعلیناں دے
خیروبرکت ہووے دم دم آفت جاوے چھوٹاں مار
جے کر اپنے گھر وچ نقشے لاویں پاک نعلیناں دے
مرن والے دی قبر دے اندر وچ سوالاں آسانی
فوٹو نال نظامی جے دفناویں پاک نعلیناں دے