نعت رسول مقبولﷺ

منظور شاہد

کیوں ناں کرے ایہہ زبان صفتاں یار دیاں
اللہ پاک ودھائیاں عزتاں یار دیاں
دم دم جہڑے نام نبی دا جپدے نیں
دنیا کولوں ڈردے تے نا چہکدے نیں
کافی نیں اوہناں نوں سنگتاں یار دیاں
اللہ پاک ودھائیاں عزتاں یار دیاں
پل صراط دی ڈاڈھی اوکھی منزل اے
پر محبوب دے عاشقاں نوں کیہ مشکل اے
لان گئیاں سانوں پار پریتاں یار دیاں
اللہ پاک ودھائیاں عزتاں یار دیاں
آقا جو فرمایا اے اوہ مننا ایں
جیویں آقا نیں چاہیا اوویں بننا ایں
دین گیئاں سانوں تار نصیحتاں یار دیاں
اللہ پاک ودھائیاں عزتاں یار دیاں
راڑے والا بھریا نال گناہواں دے
اینا مان بہتیرا گنتی چہ آواں دے
لکھدا اے منظور وی نعتاں یار دیاں
اللہ پاک ودھائیاں عزتاں یار دیاں