نعت

علی احمد گجراتی

آپۖ مظہر کِبریا دا
آپۖ محور اِنّما دا
آمنہ دے لعل تیتھوں
ہے فدا سبھ کجھ خدا دا
دین تے ایمان برحق
راستہ خیرالوریٰ دا
روشنی تاں روشنی ایں
نُور ہے اِس وِچ حِرا دا
خیر پا کے سینے لا کے
بخت چمکایا گدا دا
زندگی کد زندگی سی
دَین ہے سبھ مصطفیۖ دا
لا اِلٰہ تے جان وارو
درس ایہو کربلا دا
آدمی لئی رہبری اے
نُور جگ تے والضّحیٰ دا
میری سانہواں دی زُبان تے
وِرد ہے صلّے علیٰ دا
راج سارے جگ تے احمد
ہے اِمام الانبیاء دا

اپنا تبصرہ گھلو