جوبائیڈن نوں خفیہ اداریاں دی بریفنگ شروع
واشنگٹن (مانیٹرنگ ڈیسک) نومنتخب امریکی صدر جوبائیڈن نوں قومی سلامتی دے معاملات اتے روزانہ بریفنگ دا آغاز ہو گیا۔امریکی میڈیا دے مطابق جوبائیڈن نوں خفیہ اداریاں نے بریفنگ دینا شروع کر دتی اے، خفیہ ادارے اقتدار دی منتقلی دے دوران نو منتخب صدر نوں حالات توں آگاہ رکھدے نیں ۔ایدھر ریاست ایریزونا نے وی جوبائیڈن دے حق وچ فیصلہ کر دتا اے۔ گورنر نے وی تصدیق کردتی۔ ایریزونا دے ری پبلکن گورنر ڈگ ڈوسی نے وی چنائو نوںشفاف قرار دے دتا۔ گورنر وسکونسن تے ایریزوناریاستاں ولوں جوبائیڈن دی جت دی تصدیق ٹرمپ لئی اک ہور دھچکا ثابت ہویااے۔دوجے پاسے امریکی صدر ٹرمپ بدستور 2020 دے امریکی صدارتی انتخابات دے نتائج دے نال لڑ رہے نیں۔ اوہ ایہناں نتائج نوں تسلیم کرن لئی تیار نہیں۔
