جمہوریت لئی کسی قربانی توں گریز نہیں کراں گا،عمران خان

لہور( پنجابی میڈیاگروپ)چیئرمین پاکستان تحریک انصاف وسابق وزیراعظم عمران خان نے آکھیا اے کہ پاکستان دی ترقی، مفادات تے جمہوریت لئی میں کسی قربانی توں گریز نہیں کراں گا ،ایس ضمن وچ، میں کسی نال وی گل بات کرن لئی تیار ہاں تے اوس پاسیوں میں ہر قدم چکن لئی تیار ہاں، ساڈے نوجواناں وچ حقیقی آزادی دی تڑپ موجود اے، اللہ ربّ العزت توں دعا اے کہ قوم نوں حقیقی آزادی توں آشنا کردے۔سماجی رابطے دی ویب سائٹ ٹوئٹر اُتے اپنے پیغام وچ عمران خان دا کہنا سی کہ جَد قنون دی حکمرانی اوہناں دے بنیادی حقوق دے تحفظ دا وسیلہ بن دی اے تے اوہ خود نوں احساسِ کمتری توں پاک کر لندے نیں تے عموماََ انساناں توں کِدھرے اُتے اٹھ جاندے نیں جس دی جھلک ساہنوں جنابِ اقبال دے تصورِ شاہین وچ ملدی اے ،اوہناں نے آکھیا کہ حقیقی آزادی دے حوالے نال ساڈے نوجواناں وچ موجود تڑپ ہی تے اے جس لئی میں ہمیشہ ربّ العزت توں دعا کیتی کہ اک دن میری قوم نوںایس توں آشنا کردے!اوہ قوماں جنہاں دے نوجوان آزادی نوں اپنی زندگیاں نال بالا شمار کردے نیں، واقعتا کارنامے سرانجام دیندیاں نیں