آرمی راکٹ فورس کمانڈ دی فتح کروز میزائل فائر کرن دی مشق
احمد منصور: پاک فوج دی آرمی راکٹ فورس کمانڈ نے “فتح-4” کروز میزائل فائر کرن دی مشق کیتی۔
آئی ایس پی آر دے مطابق فتح-4 جدید ایویانکس تے جدید ترین نیویگیشنل معاون نظام نال لیس اے، جد کہ ایہ لمے فاصلے تیکر اہداف نوں پوری درستی نال نشانہ بنان دی صلاحیت رکھدا اے۔ تربیتی تجربہ فوجی دستیاں دی آپریشنل استعداد بہتر بنان تے وکھو وکھ ذیلی نظاماں دے تکنیکی معیار دی توثیق لئی کیتا گیا، میزائل وچ بہتر درستی تے زیادہ بقا دی صلاحیت لئی جدید ذیلی نظام وی شامل کیتے گئے نیں۔
تربیتی تجربے دا مشاہدہ آرمی راکٹ فورس کمانڈ دے سینئر افسراں، سائنسداناں تے انجینئرز نے کیتا، ایس موقعے اُتے ماہرین نے میزائل دے وکھو وکھ تکنیکی پہلوآں دا جائزہ لیا تے اوہدی کارکردگی اُتے اطمینان دا اظہار کیتا۔
صدرِ مملکت آصف علی زرداری، وزیراعظم شہباز شریف، فیلڈ مارشل سید عاصم منیر، چیئرمین جوائنٹ چیفس آف اسٹاف کمیٹی، سربراہ پاک بحریہ تے سربراہ پاک فضائیہ نے فتح-4 دے کامیاب تربیتی تجربے اُتے متعلقہ ٹیم نوں مبارکباد پیش کیتی۔ قومی قیادت نے فتح سیریز میزائل پروگرام وچ حصہ لین والے سائنسداناں، انجینئرز تے اہلکاراں دی صلاحیت، لگن تے عزم نوں خراجِ تحسین پیش کیتا۔
