آئی ایم ایف تے پاکستان دے وچکار بجٹ بارے مذاکرات، ریٹیلرز لئی نویں سکیم لیان دی تجویز تے وچار۔
عالمی مالیاتی فنڈ (آئی ایم ایف) تے پاکستان دے وچکار اگلے مالی سال دے بجٹ بارے ہون والے مذاکرات وچ ریٹیلرز لئی نویں سکیم لیان دی تجویز تے وچار کیتا گیا اے۔
ذریعیاں دے مطابق: آئی ایم ایف تے پاکستان دے وچکار اگلے مالی سال دے بجٹ لئی گلاں باتاں جاری نیں، جیندے وچ ریٹیلرز لئی نویں سکیم شروع کرن تے زرعی انکم ٹیکس دے نشانے (اہداف) متھن بارے وی گل بات کیتی گئی اے۔
ذریعیاں دا اے وی کہنا اے کہ: زرعی انکم ٹیکس لئی کساناں دی رجسٹریشن شروع کرن دی تجویز تے غور کیتا گیا اے، تے ٹیکس فائلرز دی گنتی ودھان دے ہدف دا وی جائزہ لیا گیا اے۔
ذریعیاں دے مطابق: ایف بی آر نوں “زیرو ٹیکس ریٹرن” جمع کروان والیاں دی گنتی گھٹ کرن دا ہدف دین تے وفاق تے صوبیاں دے وچکار ٹیکس دی کمائی ودھان لئی وی صلاح مشورے کیتے گئے نیں۔ ایس توں علاوہ اگلے مالی سال لئی صوبیاں دے بچت (سرپلس) بجٹ بارے وی مڈھلی گل بات ہوئی اے۔
