لاہور کی مارکیٹوں کے اوقات میں یکم جون تک نرمی کر دی گئی

حکومت نے تاجر برادری دے پرانے مطالبے نوں مندے ہوئے لاہور دیاں مارکیٹاں دے اوقاتِ کار (ٹائم) وچ یکم جون تیکر نرمی کرن دا فیصلہ کر لیا اے۔ نویں فیصلے مطابق ہن مارکیٹاں رات 10 بجے تیکر کھلیاں رہ سکن گیاں۔

سرکاری افسراں مطابق ایس قدم دا مقصد کاروباری سرگرمیاں نوں ودھاؤنا تے معیشت نوں ہور بہتر بنانا اے۔ حکومت نے تاجراں نوں سہولت دین لئی خصوصی رعایت دیندے ہوئے کم کاج دے ویلے وچ وادھے دی منظوری دتی اے۔ متعلقہ اداریاں نوں ایس فیصلے اُتے فوری عمل کرن دی ہدایت کر دتی گئی اے تاں جے شہریاں تے تاجراں نوں ایس دا فائدہ مل سکے۔ حکومت دا کہنا اے کہ تاجر برادری دے مَسلے حل کرن تے کاروباری ماحول نوں بہتر بناؤن لئی ہور اقدامات وی زیرِ غور نیں۔