سجاول: 13 سالاں دا منڈا نہر وچ ڈوب کے مر گیا

اندرون سندھ دے علاقے سجاول وچ اک 13 سالاں دا منڈا نہر وچ ڈوب گیا اے۔ عینی شاہدین مطابق ایہہ دل دہلا دین والا واقعہ سجاول دے پنڈ “گل گھاؤ” وچ پیش آیا، جتھے دڑو شہر دے نیڑے “پنجاری کینال” نہر وچ نہاندے ہوئے منڈا ڈوب کے فوت ہو گیا۔

مرن والے منڈے دی پچھان 13 سالہ عباس ولد شیر محمد گھاؤ دے طور تے ہوئی اے، جد کہ مقامی غوطہ خوراں نے اپنی مدد آپ دے تحت لاش نوں نہر وچوں باہر کڈھ لیا اے۔ عینی شاہدین دا مزید آکھنا سی کہ سخت گرمی توں بچن لئی منڈا نہر وچ نہا رہا سی کہ اچانک ڈونگھے پانی وچ جان پاروں ڈوب گیا۔ جدوں منڈے دی لاش گھر پہنچی تے پورے علاقے وچ کہرام مچ گیا تے ہر اکھ رو پئی۔