شعیب ملک تے ثانیہ مرزا وچ طلاق دی وجہ سامنے آ گئی
شعیب ملک تے ثانیہ مرزا دی طلاق دا اصل کارن سامنے آ گیا، ثانیہ شعیب دیاں دوجیاں سوانیاں نال بے تکلفیاں توں پریشان سن
روزنامہ جنگ دی رپورٹ مطابق، سابق قومی کپتان شعیب ملک تے بھارتی ٹینس سٹار ثانیہ مرزا وچکار طلاق دی وجہ سامنے آ گئی اے۔ کافی چر توں ایہناں دی علیحدگی دیاں خبراں گردش وچ سن، پر ہن پتہ لگا اے کہ ثانیہ مرزا نے شعیب ملک توں خود طلاق لئی اے۔
رپورٹ وچ دسیا گیا اے کہ ثانیہ مرزا، شعیب ملک دے دوجیاں سوانیاں نال ودھدی ہوئی بے تکلفی تے میل ملاپ توں خوش نہیں سن۔ ثانیہ نے پہلاں تے شعیب نوں سمجھاؤن دی کوشش کیتی، پر جدوں اوہ باز نہ آئے تے ثانیہ نے اوہناں دیاں ایسیاں سرگرمیاں نوں نظر انداز کرنا شروع کر دتا۔ پر جدوں صبر دا پیمانہ بھر گیا تے حالات قابو توں باہر ہو گئے، تے ثانیہ مرزا نے مجبور ہو کے طلاق دا مطالبہ کر دتا۔
