بھارت جاونوالی سیما حیدر اوہ منڈا جیہدے لئی وطن چھڈیا دراصل کون نکلیا؟ حیران کن انکشاف
ہندوستان ٹائمز دی رپورٹ مطابق، 27 سالہ سیما حیدر چار بچیاں دی ماں اے تے اوہدا تعلق پاکستان دے صوبہ سندھ نال اے۔ سیما دی بھارت دے 22 سالہ نوجوان سچن مینا نال جان پچھان اک آن لائن گیم (PUBG) کھیڈدے ہوئے ہوئی، جیہڑی ہولی ہولی پیار وچ بدل گئی۔ سچن مینا بھارت وچ اک دکان اُتے صرف 13 ہزار روپے مہینہ دی نوکری کردا اے۔
سیما اپنے چاراں بچیاں نوں نال لے کے پہلاں نیپال پہنچی تے فیر اوتھوں غیر قانونی طریقے نال بھارت وچ داخل ہو گئی۔ سچن تے سیما دی پہلی ملاقات وی نیپال وچ ای ہوئی سی۔ بھارت پہنچن توں بعد ایہہ دوویں نویں دہلی توں 55 کلومیٹر دور ‘گریٹر نوئیڈا’ وچ اک کرائے دے مکان وچ رہن لگ پئے۔
دوجے پاسے، سیما دا پاکستانی خاوند غلام حیدر، جیہڑا سعودی عرب وچ نوکری کردا اے، اوہنے پاکستان تے بھارت دے حکام توں مدد منگی اے کہ اوہدی بیوی تے بچیاں نوں واپس بھیجیا جاوے۔ پر سیما نے سچن نال ای رہن دا فیصلہ کیتا اے، جس پاروں سندھ وچ اوہدا خاندان سخت غصے وچ اے۔ سیما بھارت جان توں پہلاں کراچی دی کچی بستی ‘بھٹائی آباد’ دے اک تن کمریاں دے گھر وچ رہندی سی۔
