چیئرمین پی سی بی نوں بھارت وچ آئی پی ایل فائنل ویکھن دا دعوت نامہ مل گیا
پاکستان کرکٹ بورڈ دے چیئرمین محسن نقوی نوں بھارت وچ ہون والی آئی سی سی بورڈ میٹنگ تے آئی پی ایل فائنل دا باضابطہ دعوت نامہ مل گیا اے۔
کرکٹ ویب سائٹ دے مطابق انٹرنیشنل کرکٹ کونسل دے اجلاس ایس مہینے دو مرحلیاں وچ ہون گے۔ پہلا اجلاس چیف ایگزیکٹو کمیٹی دا 21 مئی نوں آن لائن ہووے گا، جپکہ بورڈ میٹنگ 30 تے 31 مئی نوں بھارت دے شہر احمد آباد وچ کیتی جائے گی۔
اجلاس وچ ورلڈ ٹیسٹ چیمپئن شپ دے فارمیٹ وچ ممکنہ تبدیلیاں تے غور کیتا جائے گا، جتھے ہن دے نظام دے تحت ہر سیریز وچ گھٹو گھٹ دو ٹیسٹ میچ کھیلنا لازمی اے۔ ایس توں علاوہ زمبابوے، آئرلینڈ تے افغانستان نوں بھی ایس چیمپئن شپ وچ شامل کرن دی تجویز تے غور کیتا جائے گا۔
بورڈ میٹنگ وچ پاکستان کرکٹ بورڈ دی نمائندگی چیئرمین محسن نقوی کرن گے، پر اوہناں دی بھارت روانگی بارے آخری فیصلہ وزیرِ اعظم دی منظوری نال جوڑیا گیا اے۔
