پاکستان دا بنگلادیشی طالبعلماں نوں 500 اسکالررشپس دین دا اعلان
پاکستان ولوں آؤن والے پنجاں سالاں وچ بنگلادیشی طالبعلماں (طلبہ) نوں 500 اسکاݪرشپس (تعلیمی وظيفے) دین دا اعلان کیتا گیا اے۔
دفترِ خارجہ دے ترجمان مطابق، وزیرِ خارجہ اسحاق ڈار نے اگست 2025 وچ اپنے دورہ بنگلادیش دے دوران ‘پاکستان بنگلادیش نالج کوریڈور’ شروع کرن دا اعلان کیتا سی، جیہدے تحت پاکستان آؤن والے 5 سالاں وچ بنگلادیشی طالبعلماں نوں 500 اسکاݪرشپس دیوے گا۔
ترجمان دفترِ خارجہ نے دَسیا کہ پاکستان بنگلادیش نالج کوریڈور دا دوجا مرحلہ 10 مئی 2026 نوں ڈھاکہ وچ شروع کیتا گیا اے، جد کہ بنگلادیشی وفد ایس نالج کوریڈور دے تحت 3 ہفتیاں لئی پاکستان وچ موجود اے۔
ایس توں علاوہ، وزیرِ خارجہ اسحاق ڈار نے پاکستان تے بنگلادیش دے تعلقات وچ ہون والی مثبت ترقی اُتے تسلی تے خوشی دا اظہار کیتا اے۔
