ملک وچ کھوتیاں تے خچراں دی گنتی وچ ہور وادھا ہو گیا

ملک وچ کھوتیاں (گدھوں) دی گنتی (تعداد) وچ ہور وادھا ہو گیا اے۔

ادارہ شماریات دیاں دستاویزاں دے مطابق ملک وچ کھوتیاں دی گنتی وچ ہور اک لاکھ 13 ہزار دا وادھا ہویا اے، جس توں بعد کھوتیاں دی کل تعداد 60 لاکھ 47 ہزار توں ودھ کے 61 لاکھ 60 ہزار ہو گئی اے۔

دستاویزاں وچ دَسیا گیا اے کہ اک سال دے اندر مجھاں (بھینسوں) دی گنتی وچ 14 لاکھ 17 ہزار دا وادھا ہویا، جس توں بعد مجھاں دی تعداد 4 کروڑ 76 لاکھ 88 ہزار توں ودھ کے 4 کروڑ 91 لاکھ 5 ہزار ہو گئی اے۔

اک سال وچ بھیڈاں (بھیڑوں) دی تعداد وچ 3 لاکھ 92 ہزار، بکریاں دی تعداد وچ 24 لاکھ 22 ہزار تے اوٹھاں (اونٹوں) دی تعداد وچ 16 ہزار دا وادھا ہویا اے۔

ایس توں وکھ (علاوہ) اک سال وچ گھوڑیاں دی گنتی وچ 3 ہزار تے خچراں دی تعداد وچ 4 ہزار دا وادھا ریکارڈ کیتا گیا اے۔