بھارت: سیاسی رہنما نوں جتیاں دا ہار پا کے اُٹھک بیٹھک کروائی گئی، ویڈیو وائرل
کولکتہ: بھارت وچ کرپشن دے الزام تے حکمران جماعت دے دو رہنماؤں نوں شدید عوامی احتجاج دا سامنا کرنا پیا، جتیاں دا ہار پا کے پنڈ وچ گھمایا گیا۔
بھارتی میڈیا رپورٹا ں دے مطابق بھارتی ریاست مغربی بنگال وچ حکمران جماعت ترنمول کانگریس (ٹی ایم سی) دے دو رہنماؤں نوں بدعنوانی دے الزاما ں توں بعد شدید عوامی ردعمل دا سامنا کرنا پیا۔
مشتعل علاقہ مکیناں نے اک رہنما نوں جتیاں دا ہار پا کے علاقے وچ گھمایا، جدوکہ دوجے رہنما اُتے عدالت لے جان دے دوران مشتعل لوکاں نے انڈے وی سٹے۔
رپورٹ دے مطابق ضلع ہوگلی وچ سابق میونسپل چیئرمین تے مقامی کونسلر سواپن سمانتا نوں مقامی لوکاں نے مبینہ کرپشن دے خلاف احتجاج کردیاں جتیاں دا ہار پہنایا تے علاقے وچ گھمایا۔
سوشل میڈیا اُتے وائرل ہون والیاں ویڈیوز وچ ویکھیا جا سکدا اے کہ مشتعل افراد اوہناں دے خلاف نعرے بازی کر رہے نیں تے اوہناں نوں کناں نوں ہتھ لا کے اُٹھک بیٹھک کرن اُتے مجبور کر رہے نیں۔
