مسابقتی کمیشن دا جہانگیر ترین دی شوگر مل اُتے چھاپہ : وڈا ریکارڈ قبضے وچ لیہ لیا

لہور ( بھلیکھا ٹی وی ) ذرائع دے مطابق مسابقتی کمیشن نے تحریک انصاف دے رہنما جہانگیر خان ترین دی شوگر ملز جمال دین والی اُتے چھاپہ مار کے وڈے ریکارڈ نوں قبضے وچ لیہ لیا ذرائع دے مطابق کمیشن نے ایہہ کارروائی 14ستمبر نوں شوگر ملز ایسوسی ایشن دے دفتر توں لتے گئے ریکارڈ دی روشنی وچ کیتی ۔ شوگر ملز دے سینئر بندیاں توں شواہد ملے سن شوگر ملز داسینئر اہلکار چینی بحران دے دوران مسلسل شوگر ملز ایسوی ایشن نال ربطے وچ رہیا ، شوگر ملز دے مالک پہلاں ہی باہر دے ملک جا چکے نیں ۔اوُدھر پچھلے دناں جہانگیر ترین نے ایف آئی اے طلبی دے حوالے نال اپنا تفصیلی جواب جمع کرواا سی ، تفصیلی جواب دے ہمر١ہ11والیمز 1400ورقیاں اُتے بنی ہوئی دستاویزات وی ایف آئی اے مشترکہ تحقیقاتی ٹیم دے حوالے کر دیتے گئے سن ۔