غزل
عارف شاہ پروہنا
تن ملک نیں بڑے ذلیل
امریکہ یوکے تے اسرائیل
فیر آئے نیں ہاتھیاں والے
ربا بھیج دے ابابیل
اسیں غریب قانون ہے مہنگا
کون بنے گا ساڈا وکیل
میری نظر وچ اوہی ظالم
جو ظالم نال کردا ڈیل
امن دے نعرے لا لا تھکے
کوئی نہیں سن دا ساڈی اپیل
ہر پاسے سامراج دی چودھر
مینوں تے ایہو ہندا فیل
انج ویلے نیں ماریاں ڈانگاں
جثہ ہویا اے نیل و نیل
میرے کولوں کیہ پچھدے او
دلی ایتھوں ہے کنے میل
جے نہیں جان دا منتر عارف
ایویں کالے ناگ نہ کیل
