کورونا دی دُجی لہر: ہور18اللہ نوں پیارے ہو گئے
اسلام آباد( پنجابی میڈیا گروپ)کورونا وائرس نال ہور18افراد جاں بحق ہوگئے، جس توں بعد موتاں دی تعداد 6 ہزار867ہوگئی۔ پاکستان وچ کورونا دے مریضاں دی تعداد3لکھ37ہزار573ہوگئی۔
نیشنل کمانڈ اینڈ آپریشن سینٹر دی تازہ رپورٹ دے مطابق پچھلے24گھنٹے دے دوران اک ہزار313نویے کیس ساہمنے آئے، پنجاب وچ اک لکھ5ہزار197،سندھ وچ اک لکھ47ہزار295، خیبر پختونخوا وچ39ہزار 889، بلوچستان وچ16ہزار،گلگت بلتستان وچ4ہزار306، اسلام آباد وچ20ہزار471جدکہ آزاد کشمیر وچ4ہزار415مریض ساہمنے آئے ،ملک بھر وچ ہن تک45 لکھ41ہزار392لوکاں دے ٹیسٹ کیتے گئے، پچھلے24گھنٹے دے دوران26ہزار565نویے ٹیسٹ کیتے گئے، ہن تک3لکھ16 ہزار60 مریض صحتیاب ہوچکے نیں جدکہ747مریضاں دی حالت تشویشناک اے۔پاکستان وچ کورونا نال اک دن وچ18افراد جاں بحق ہوئے جس دے بعد وائرس نال مرن والیاں دی تعداد6ہزار867ہوگئی۔ پنجاب وچ2ہزار380، سندھ وچ2ہزار639،خیبر پختونخوا وچ اک ہزار281،اسلام آباد وچ224، بلوچستان وچ152، گلگت بلتستان وچ92تے آزاد کشمیر وچ99مریض جان توں ہتھ دھو بیٹھے۔
