بوسنیا نال تعلقات ہور مضبوط کراں گے: وزیراعظم
اسلام آباد( پنجابی میڈیا گروپ)وزیراعظم عمران خان نے آکھیا اے کہ بوسنیا نال پاکستان دے دیرینہ تعلقات نیں مسئلہ کشمیر اُتے پاکستان دی حمایت دے شکرگزار واں۔وزیراعظم عمران خان نے پاکستان دے دورے اُتے آئے بوسنیا پریذیڈنسی دے چیئرمین شفیق جعفر وچ دے نال معاہدیاں دی تقریب دے بعد پریس کانفرنس کردیاں ہوئیاں آکھیاکہ دوناں برادر اسلامی ملکاںوچ دیرینہ تعلقات قائم نیاں، پاکستان اینہاںتعلقات وچ ہور مضبوطی چاہندا اے۔ بوسنیا دی عوام دا ہر مشکل گھڑی وچ ساتھ دیاں گے۔ مسئلہ کشمیر اُتے بوسنیا دی حمایت دا شکریہ ادا کرنے آں ۔دورہ بوسنیا دی دعوت اُتے وی شیفک جیفروچ دے شکر گزار آں۔اوہناں نے آکھیا کہ آزادی اظہار رائے نوں کسی مذہب دے خلاف استعمال نہیں کرنا چاہیدا، اظہار رائے دی آڑ وچ مسلماناں دی توہین نہیں ہونی چاہیدی تے نہ ہی کسی مذہب دی ہتک لئی بطور ہتھیار استعمال کرنا چاہیدا اے، کوئی مسلمان رسول کریم دی شان وچ توہین برداشت نہیں کرسکدا۔
