کورونا نال ہور 9بندے جاں بحق، موتاں دی مجموعی تعداد 6ہزار 977تک اپڑ گئی
اسلام آباد: کورونا اک وار فیر سر چُکن لگا۔ موتاں وچ اتار چڑھاؤ جاری اے، پچھلے 24گھنٹے وچ 9بندے جاں بحق ہو گئے۔ موتاں دی تعداد6ہزار 977ہو گئی۔ مریضاں دی تعداد3لکھ 44ہزار 839تک اپڑ گئی جد کہ 3لکھ 18ہزار 881مریض صحت یاب وی ہو چکے نیں۔ کورونا کیسز ودھن لگے، این سی او سی دے جاری کیتے اعداد و شمار دے مطابق پچھلے 24گھنٹے دے دوران 9موتاں ہوئیاں۔ جاں بحق بندیاں دی مجموعی تعداد 6ہزار 977ہو گئی اے۔ پچھلے 24گھنٹے دے دوران اک ہزار 650نویں مریض ساہمنے آئے۔ مریضاں دی تعداد3لکھ 44ہزار 839تک جا اپڑی۔ این سی او سی دے مطابق 972مریضاں دی حالت تشویشناک اے۔ 3لکھ 17ہزار 898مریض صحت یاب وی ہو چکے نیں۔نیشنل کمانڈ اینڈ آپریشن سنٹر دے مطابق سندھ وچ 1 لکھ 50 ہزار 169، خیبرپختونخوا 40 ہزار657، پنجاب وچ 1لکھ 6 ہزار 922، اسلام آباد 21 ہزار 861، بلوچستان وچ 16 ہزار 106 تے آزاد کشمیر وچ 4 ہزار 758 مریض نیں جد کہ گلگت بلتستان وچ مریضاں دی تعداد 4 ہزار366ہو گئی اے۔این سی اوسی دے مطابق پچھلے 24 گھنٹے دے دوران 33 ہزار 340 جد کہ ملک بھر وچ 47 لکھ 9 ہزار 603 کورونا ٹیسٹ کیتے جا چکے نیں۔
