وفاقی وزیر اسد عمر دی زیرصدارت این سی او سی دا اجلاس
اجلاس وچ دربار، سینما اور تھیٹرز فوری طور پر بند کرنے کا فیصلہ اسلام آباد(بیورو رپورٹ )نیشنل کمانڈ اینڈ آپریشن سینٹر ( این سی او سی) نے دربار، سینما تے تھیٹرز فوری طور تے بند کرن دا فیصلہ کرلیاگیا۔ عوامی اجتماعات اتے پابندی دی وی سفارش کیتی گئی، 500 توں زائد افراد جمع نہیں ہو سکن گے۔وفاقی وزیر اسد عمر دی زیرصدارت این سی او سی دا اجلاس ہویا جہدے وچ نیشنل کمانڈ اینڈ آپریشن سینٹر نے کورونا وبا دا پھیلاؤ ڈکن لئی سخت اقدامات تجویز کردیاں ہویاں عوامی اجتماعات اتے پابندی دی سفارش کردتی اے۔ اجلاس وچ آکھیا گیا اے کہ بیماری وچ تن گنا اضافہ ہویا اے۔
لہٰذا زیادہ خطرے والے علاقیاں وچ پابندیاں ودھائیاں جان۔ اجلاس وچ تعلیمی اداریاں وچ موسم سرما دی تعطیلات پیشگی شروع کرنے دی تجویز وی ساہمنے آئی اے۔ ایس حوالے دے نال16 نومبر نوں وفاقی وزیر تعلیم این سی او سی وچ صوبائی وزرائے تعلیم دے نال ملاقات کرن گے، مشاورتی مباحثے دے بعد سفارشات صوبیاں دے نال شیئر کیتیاں جان گیا۔ شا دی ہال تے گھر دے اندر تقریبات وچ ماسک دی پابندی لازمی ہووے گی ایہدی ذمہ داری شادی ہال مالکان تے گھرانے دے ہووے گی۔ خلاف ورزی دی صورت وچ سخت کارروائی ہووے گی۔ سفارشات وچ آکھیا گیا اے کہ شادی ہال وچ فنکشن دا دورانیہ 2گھنٹے دا ہووے گا۔ دو گھنٹے دے اندر شادی دی تقریب ختم کرنا ہووے گی۔
