آئی جی دے اغوا دی رپورٹ پبلک ہونا چاہیدا اے: شاہد خاقان عباسی

اسلام آباد(بیورو رپورٹ)مسلم لیگ نون دے رہنما تے پچھلے وزیرِ اعظم شاہد خاقان عباسی آکھدے نیں کہ آئی جی دے اغوا دی رپورٹ پبلک ہونا چاہیدا اے،ورنہ وہم ای روے گا۔ اسلام آباد دی احتساب عدالت وچ ایل این جی ریفرنس دی سماعت دے سلسلے وچ پیشی دے موقع اتے میڈیا دے نال گل بات کردیاں ہویاں مسلم لیگ ن دے رہنما تے پچھلے وزیراعظم شاہد خاقان عباسی ہوراں داآکھنا سی کہ انکوائری رپورٹ نہیں آئی اک خلاصہ آیا اے۔ اوہناں نے آکھیا اے کہ رپورٹ وچ آکھیا گیا اے کہ کجھ افسران نے جذبات وچ آکے آئی جی سندھ نوں اغوا کرلیا۔ آئی جی دے اغوا دے حقائق عوام دے ساہمنے لے آئے جان۔ بعدازاں احتساب عدالت نے ایل این جی ریفرنس دی سماعت کل تیک ملتوی کردتی۔