لہور دی تیز وکٹ اتے وِکٹاں لین دی ذمہ داری ملی اے، فردوس عاشق
لہور( پنجابی میڈیا گروپ) وزیر اعلیٰ پنجاب دی معاون خصوصی ڈاکٹر فردوس عاشق اعوان نے آکھیااے کہ لہور دی تیز وکٹ اتے وکٹیاں لین دی ذمہ داری ملی اے، جمعرات دی صبح نجی ٹی وی دے نال گل بات کردیاں ہویاں اوہناں نے آکھیا اے کہ مینوں لہور دی تیز وکٹ اتے وکٹیاں لین دی ذمہ داری ملی اے،میڈیا دے محاز اتے اوہ پنجاب سرکاردی معاونت کرن گے۔ بلدیاتی چنائو دے حوالے تے ایہنا داآکھنا سی کہ قانونی پیچیدگیاں دے خاتمے دے بعد صوبے وچ بلدیاتی چنائو لازمی کرائے جان گے۔ وسیم اکرم پلس دی کارکردگی چنگی اے پر وکٹ دے اینڈ اتے وی کسی نوں ہونا ہوندا اے تے میڈیا نوں نال لے کے چلن لئی مینوں ذمہ داری دتی گئی اے۔ فردوس عاشق اعوان ہوراں نے آکھیا کہ ماضی وچ پنجاب وچ ون مین شو ای چلدا رہیا اے۔ شہبازشریف نے سارے ا ختیارات اپنے کول رکھے سن پرہن ہن عثمان بزدار نے اختیارات وزراء نوں منتقل کردے نیں۔ تے ڈیلیور کرن دی ہدایت وی کیتی اے۔ اوہناں نے مزیدآکھیا اے کہ پنجاب وچ وڈے وڈے مافیاز بیٹھے ہوئے نیں ایہناں دی نیٹ ورکنگ اے جہدی وجہ توں اوہ بحران پیدا کردیندے نیں جدوں ڈیمانڈ تے سپلائی دا وقفہ آئوندا اے تے فیر بحران پیدا ہوندا اے ایسی وجہ توں چینی تے آٹے دا بحران پیدا ہویا۔
