سبھ توں وڈی صنعت نوں30سال وچ تباہی دے دھانے اتے کھڑاکردتاگیا،شہباز گل
اسلام آباد (پنجابی میڈیا گروپ) وزیراعظم دے معاون خصوصی ڈکٹرشہباز گل نے آکھیا اے کہ سبھ توں وڈی صنعت نوں30سال وچ تباہی دے دھانے اتے کھڑاکردتاگیا،کپتان نے صنعت ٹھیک کرن دا بیڑا چکیا اے تے دو سال پہلاں اصلاحاتی پیکیج دیاتا سی نتیجتاًٹیکسٹائل دی صنعت100فیصداستعداد اتے فعال اے۔ جمعرات دے دیہاڑے معاون خصوصی ڈکٹرشہباز گل نے سماجی رابطے دی ویب سائٹ ٹوئٹر تے اپنے بیان وچ آکھیا اے کہ بوہت سارے یونٹ اپنی استعداد ودھان لئی توسیع کر رہے نیں، ٹیکسٹائل سیکٹر نوں 2 لکھ مزدوراں دی کمی دے ساہمنیاندازہ اے، کپتان دی سربراہی وچ قوم چوراں لٹیریاں نوں انجام دی طرف جاندا ویکھ ر ہی اے۔ پاکستان اپنی عالمی دنیا وچ کھویا ہویا مقام تے عظمت اک واری فیئر حاصل کرے گا۔
