جونیئر افسر نے سی سی پی او لہور نوں فرعون قرار دے دتا
لہور( پنجابی میڈیا گروپ) سی سی پی او لہور عمر شیخ نے اختیارات دے نجائز استعمال تے 3تھانیداراں نوں معطل کرکے پلس لائن گھل دتا جہدے تے اک جونیئر افسر نے سی سی پی او لہور نوں فرعون قرار دے دتا۔ پلس ترجمان دے مطابق تھانہ ہیر دے انچارج انویسٹی گیشن انسپکٹر اکرم تے اے ایس آئی سلیم، ایس پی انویسٹی گیشن کینٹ دی رپورٹ تے معطل کیتے گئے۔ ترجمان نے ہور دسیا کہ تھانہ نواب ٹاؤن دے سب انسپکٹر آصف بٹ نوں ناقص تفتیش تے معطل کیتا گیا۔ اوہناں تے رشوت لے کے قبضہ مافیا دی ضمانتاں کنفرم کران دا الزام سی۔ معطل سب انسپکٹر آصف بٹ دا کہنا اے سی سی پی او عمر شیخ فرعون بن چکے نیں، پورے تھانے نوں گالھاں دتیاں، مینوں ہتھکڑیاں لا کے تھانہ نواب ٹاؤن منتقل کیتا گیا۔
