الیکشن کمیشن گلگت بلتستان وچ فوری دھاندلی رکوائے،مریم اورنگزیب

اسلام آباد (پنجابی میڈیا گروپ) پاکستان مسلم لیگ(ن) دی ترجمان مریم اورنگزیب نے گلگت بلتستان وچ دھاندلی اتے احتجاج کردیاں ہویاں آکھیا اے کہ الیکشن کمیشن گلگت بلتستان وچ فوری دھاندلی رکوائے۔اپنے اک بیان وچ اوہناں نے گلگت دے چنائو وچ اک ہزار توں زیادہ جعلی پوسٹل بیلٹ پیپرز جاری ہونا دھاندلی دا اک ہور ثبوت اے۔ اوہناں نے آکھیاکہ اگر گلگت وچ 15نومبر نوں ووٹ چوری ہویا تے ا یہدے نتائج بو ہت خطرناک ہون گے۔ اوہناں نے آکھیا اے کہ حلقہ دیامر دو سوووٹ چوری دا اک ہور نتیجہ آگیا اے۔ اوہناں نے آکھیا اے کہ سرکاری ملازمین دی تعداد 700اے پر 1791 پوسٹل بیلٹ پیپرز جاری کر دتے گئے، ایہہ ہوندی اے دھاندلی، ایہہ ہوندی اے ووٹ چوری۔ اوہناں نے آکھیا ا ے کہ پنجوں امیدواراں دا مشترکہ طور تے الیکشن کمیشن جانا ثبوت اے کہ کس طرحاں دھاندلی دی اندھیرنگری مچائی جارہی اے۔ اوہناں نے آکھیا اے کہ جعلی سرکار دی جعلی پوسٹل دے ذریعے ووٹ چوری پھڑی گئی۔ اوہناں نے آکھیا اے کہ ایہناں جعلی پوسٹل بیلٹس دی بنیاد اتے کامیابی دے سروے جاری ہو رہے نیں۔