سانحہ کشمور، جنسی زیادتیاں نوں روکن دا واحد حل سزائے موت اے: سراج الحق

لہور( پنجابی میڈیا گروپ) امیر جماعت اسلامی پاکستان سراج الحق نے سانحہ کشمور تے آکھیا اے جنسی زیادتیاں نوں روکن دا واحد حل سزائے موت اے۔ سراج الحق نے ٹویٹ کردیاں آکھیا کشمور سانحے تے صدمے دی کیفیت اے تے دل گرفتہ اے، اجہے دلدوز شرمناک واقعات مسلسل ہو رہے نیں جو ساڈے نظام حکومت و انصاف تے سوالیہ نشان اے۔سراج الحق آکھیا جماعت اسلامی نے اجہے مجرماں لئی زینب الرٹ بل وچ سزائے موت تجویز کیتی سی پر ایہدی مخالفت کیتی گئی حالاں جے سزائے موت ای ایس جرم نوں روکن دا واحد حل اے۔ واضح رہے سندھ دے علاقے کشمور وچ چار سالہ بچی نال اجتماعی زیادتی دا لرزہ خیز واقعہ پیش آیا جہنے ہر شہری نوں لرزا کر کے رکھ دتا۔