مزار قائد دی بے حرمتی دا کیس، کیپٹن (ر) صفدر تے مریم اورنگزیب دے خلاف کاروائی دی استدعا
کراچی( پنجابی میڈیا گروپ)کراچی دی مقامی عدالت وچ مزار قائد دی بے حرمتی دے کیس وچ مزار قائد بورڈ نے عدالت توں استدعا کیتی اے کہ کیپٹن (ر) صفدر مریم اورنگزیب تے دوجے رہنماواں دے خلاف وی کاروائی کیتی جائے۔ سٹی کورٹ وچ مزار قائد دا تقدس پامال کرن تے کیپٹن (ر) صفدر ، مریم اورنگزیب تے دوجے رہنماواں دے خلاف کاروائی لئی عرضی دائر کر دتی گئی۔ عرضی وچ موقف اپنایا گیا مزار قائد دے تحفظ و تقدس بارے قنون دی شقاں دے تحت مریم نواز تے کیپٹن (ر) صفدر دے خلاف کاروائی کیتی جائے۔ وسیلیاں دے مطابق عدالت نے عرضی تے اعتراض لا کے واپس کر دتی۔ عرضی دے نال وکالت نا مہ جمع کرایا جائے گا۔ پیر نوں اعتراض ختم کرکے دوبارہ عرضی دتی جائے گی۔
