لہور:پولیس نے بچی نال زیادتی تے قتل دا ملزم پھڑ لیا

لہور( پنجابی میڈیا گروپ)باغبانپورہ وچ کمسن بچی نال زیادتی تے قتل دا کیس حل ہو گیا، قاتل ہمسایہ نکلیا جس نوں پولیس نے گرفتار کر لیا، وزیراعلی پنجاب نے سی سی پی او لہور توںرپورٹ منگ لئی
باغبانپورہ وچ کمسن بچی نوں مبینہ زیادتی دے بعد قتل کرن دا افسوسناک واقعہ، کمسن بچی دی لاش گھر دے نیڑے خالی پلاٹ توں ملی۔ قاتل ہمسایہ نکلیا جس پولیس نے کارروائی کردے ہوئیاں پھڑ لیا۔ پہلی تفتیش دے دوران ملزم نے قتل دا اعتراف وی کر لیا۔ ایس پی کینٹ انویسٹی گیشن ڈاکٹر انور مسعود دی سربراہی وچ سپیشل ٹیماں نال ملزم نوں پھڑ لیا۔پہلی تفتیش دے مطابق ملزم ندیم شادی شدہ اے تے9مہنیاںدے اک بال پیواے ، ملزم بچینوں ورغلاکے اپنے گھر لے گیا تے زیادتی دے بعد قتل کر دتا۔ ملزم ندیم واردات دے بعد گھرنوں تالا کے چلا گیا۔ پچھلے رات تین وجے دے نیڑے ملزم نوں بچی دی لاش پلاٹ وچ سُٹ دتی۔