کراچی توں بعد گلگت بلتستان وچ ترقیاتی پروگراماں اُتے کم ہوئے گا: اسد عمر
اسلام آباد( پنجابی میڈیا گروپ)وفاقی وزیر اسد عمر نے آکھیا اے کہ اج دے الیکشن دے بعد گلگت بلتستان وچ تحریک انصاف دی حکومت ہو ئے گی، ہن کراچی تے جنوبی بلوچستان توںبعد گلگت بلتستان لئی وی تریخ ساز ترقیاتی پروگراماں اُتے کم ہو ئے گا۔ وفاقی وزیر اسد عمر نے ٹویٹر پیغام وچ آکھیاکہ تحریک انصاف دی منتخب گلگت بلتستان حکومت دے نال مل کر ہنگامی بنیاداں اُتیکم کرن گے، اوہناں نے گلگت بلتستان دی عوام لئی تریخی ترقیاتی پروگرام شروع کرن دا عندیہ وی دتا۔ایس توں پہلاںمعاون خصوصی وزیراعلی پنجاب فردوس عاشق اعوان نے وی گلگت بلتستان وچ اج ہون والے انتخابات بارے آکھیا کہ احساس محرومی دا خاتمہ، اختیارات دی ہیٹھلیسطح اُتے حکومت دی منتقلی اولین ترجیح اے، حقدار تک ایس دا حق پہنچاناا ولین ترجیح ہوئے گی۔ شفاف انتخابات گلگت بلتستان دی ترقی تے خوشحالی اُتے مہرثبت کرن گے۔
