عوام اج گلگت بلتستان وچ نویے پاکستان دی بنیاد رکھے گی: فردوس عاشق

اسلام آباد(پنجابی میڈیا گروپ)معاون خصوصی وزیراعلی پنجاب فردوس عاشق اعوان نے آکھیا اے کہ عوام اج ووٹ دی پرچی نال گلگت بلتستان وچ نویے پاکستان دی بنیاد رکھے گی ۔فردوس عاشق اعوان نے ٹویٹر پیغام وچ آکھیا کہ احساس محرومی دا خاتمہ، اختیارات دی ہیٹھلی سطح اُتے حکومت دی منتقلی اولین ترجیح اے، حقدار تک اوس دا حق پہنچاناا ولین ترجیح ہوئے گی۔ شفاف انتخابات گلگت بلتستان دی ترقی تے خوشحالی اُتے مہرثبت کرن گے۔گلگت بلتستان دی قانون ساز اسمبلی دے انتخابات اج ہو رہے نیں جس وچ عوام بھرپور جوش و خروش نال حصہ لیندے دکھائی دے رہی اے۔ الیکشن کمیشن نے اک ہزار160پولنگ اسٹیشن قائم کیتے گئے نیں جیتھے7لکھ 45ہزار361ووٹر حق رائے دہی استعمال کرن گے ،جس وچ چار لکھ پنج ہزار تین سو50مرد تے تین لکھ انتالیس ہزار نوسو بانوے عورتاں شامل نیں۔