کورونا پاروں18 افراد جاں بحق، ہور 2 ہزار 547 مریض سامنے آگئے

اسلام آباد (پنجابی میڈیا گروپ)پاکستان وچ کورونا نال ہور18 افراد جاں بحق ہو گئے جدکہ2 ہزار547 نویے کیس رپورٹ ہوئے نیں۔نیشنل کمانڈ تے آپریشن سینٹر دے مطابق پاکستان وچ کورونا نال متاثر ہون والے مر یضاں کی کل تعداد3لکھ65 ہزار927 ہوگئی جدکہ موتاں دی مجموعی تعداد7ہزار248 تک پہنچ چکی اے۔پاکستان وچ کورونا وائرس دے3 لکھ26 ہزار674 مریض صحتیاب ہو چکے نیں۔ اسلام آباد وچ کورونا کیساں دی تعداد25 ہزار 278 ہو چکی اے جدکہ ہور2 مریضاں دی موت توں بعد موتاں دی مجموعی تعداد265 تک اپڑ گئی۔ اسلام آباد وچ کورونا دے4 ہزار99 مریض زیر علاج نیں۔آزاد کشمیر وچ کورونا دے مریضاں دی تعداد5 ہزار690 تک پہنچ گئی جدکہ اک ہزار348مریض زیر علاج نیں۔ آزاد کشمیر وچ کورونا وائرس نال ہور اک موت توں بعد موتاںدی مجموعی تعداد 132 ہوگئی۔خیبر پختونخوا وچ کورونا مریضاں دی تعداد43 ہزار52 اے تے ہن تک اک ہزار318 افراد جان دی بازی ہار چکے نیں۔ سندھ وچ اک لکھ58ہزار559کورونا کیس ساہمنے آ چکے نیں جدکہ سندھ وچ ہور4افراد دی موت توں بعد موتاںدی مجموعی تعداد 2 ہزار 764 تک اپڑگئی اے۔