وزیر اعظم عمران خان کابل اپڑ گئے ،گارڈ آف آنرپیش، دوواں ملکاں دے ترانے وجائے گئے

کابل (پنجابی میڈیا گروپ) وزیراعظم عمران خان وزارت عظمیٰ دا منصب سنبھالن دے بعد پہلی واری افغانستان اپر گئے۔ وزیراعظم عمران خان دا شاندار استقبال تے گارڈ آف آنر پیش کیتا گیا۔ تفصیلات دے مطابق وزیراعظم عمران خان افغان صدر اشرف غنی دی خصوصی دعوت اتے اک روزہ دورے اے کابل اپڑے نیں۔ ایہناں دے ہمراہ وزیرخارجہ شاہ محمود قریشی، مشیر تجارت عبد الرزاق داؤد، ڈی جی آئی ایس آئی لیفٹیننٹ جنرل فیض حمید، سیکرٹری خارجہ سہیل محمود تے افغانستان وچ پاکستان دے نمائندہ خصوصی سنے دیگر اہم شخصیات وی سن۔ کابل ایئرپورٹ اتے وزیراعظم عمران خان تے وفد دا استقبال افغان وزیر خارجہ محمد حنیف اتمر نے کیتا۔ وزیر اعظم عمران خان افغان صدارتی محل پہنچے جتھے عمران خان دے اعزار وچ باضابطہ استقبالیہ تقریب منعقد کیتی گئی۔ صدارتی محل اپڑن اتے افغان صدر اشرف غنی نے وزیراعظم نوں جی آیاں نوںآکھیا۔ تقریب دے آغاز اتے دوواں ملکاں دے قومی ترانے وجائے گئے۔ عمران خان نوں گارڈ آف آنر وی پیش کیتا گیا ۔