ناقص منصوبے دینا ہمیشہ ن لیگ دا وطیرہ رہیا اے : شہباز گل

اسلام آباد (پنجابی میڈیا گروپ) معاون خصوصی برائے سیاسی ابلاغ ڈاکٹر شہباز گل دا احسن اقبال دے بیان اتے ردعمل دیندیاں ہویاں آکھیا اے کہ تہاڈے جرائم دی تفصیل بوہت طویل اے۔ سپورٹس سٹی دی کرپشن تہاڈا نکا جیا اک کارنامہ اے۔ ناقص منصوبے دینا ہمیشہ ن لیگ دا وطیرہ رہیا اے ۔سپورٹس سٹی کمپلیکس منصوبے دی تعمیر وچ قومی خزانے ن وں ارباں دا نقصان پہنچایا گیا اے۔ تساں جعلی کوٹیشن دے ذریعے کروڑواں روپے دے ٹھیکے غیر قانونی طوراتے من پسند ٹھیکیداراں نوں دتے۔ملتان سکھر موٹروے پراجیکٹ وچ قومی خزانے نوں 137ارب دا ٹیکا لگان والے تسی اوہ۔ تہاڈا ہر پراجیکٹ کرپشن کی جیتی جاگتی تصویر اے۔ میاں صاحب نے اپنے اردگرد ایہناں صاحب ورغے کرپشن دے مہار تھی رکھے ہوئے سن۔ کرپشن دے نال لتھڑے اشخاص جدوں وی بولدے ایں جھوٹھ بولدے نیں۔ شہبازگل ہوراں نے مزیدآکھیا اے کہ احسن اقبال اخلاقیات تے اکانومی اتے بھاشن دین دی بجائے اپنی کرپشن دا جواب دین۔