اسلاموفوبیا توں متعلق پاکستان دا بوہت واضح تے ٹھوس موقف اے،شاہ محمود قریشی

اسلام آباد(بیورو رپورٹ ) وزیرخارجہ مخدوم شاہ محمود قریشی نے آکھیا اے کہ اقوام متحدہ کشمیریاں توں کیتا گیا وعدہ پورا کرکے استصواب رائے کرائے۔ بھارت نوں مجرمانہ نوآبادیاتی منصوبے توں ڈکنا وی سالمتی کونسل دی ذمہ داری اے۔ اسلاموفوبیا دے حوالے تے پاکستان سنے پوری دنیا دے مسلمان تذبذب دا شکا رنیں۔ اسلاموفوبیا توں متعلق پاکستان دا بوہت واضح تے ٹھوس موقف اے،مقبوضہ جموں وکشمیر وچ آبادی دے تناسب وچ تبدیلی دی سازش اتے توجہ مبذول کران لئی اقوام متحدہ دی سلامتی کونسل نوں لکھے گئے اک خط تے نائیجریا وچ منعقد ہون والی او آئی سی کونسل آف فارن منسٹرز دے سہ روزہ اجلاس وچ شرکت دے حوالے توں اہم ویڈیو پیغاموچ وزیرخارجہ شاہ محمود قریشی نے آکھیا اے کہ بھارت نے خطے دے امن و سلامتی نوںشدید خطرات توں دوچار کردتا اے۔

بھارت مقبوضہ علاقے وچ آبادی دے تناسب وچ تبدیلی دی سازش کر رہیااے۔ بھارت اقوام متحدہ چارٹر، بین الاقوامی قانون تے جنیوا کنونشن دی خلاف ورزیاں کر رہیا اے۔ بھارت کشمیری نسل کشی تے کشمیر وچ اکثریت نوں اقلیت وچ بدل رہیااے۔ کشمیریاں دی اراضی چھینی تے غیر کشمیریاں نوں لے آکے آباد کیتا جارہیا اے۔ وزیرخارجہ مخدوم شاہ محمود قریشی ہوراںنے آکھیا اے کہ بھارت رواں سال ایل او سی اتے 2700 خلاف ورزیاں، 25 شہری شہید، 200 زخمی کر چکیااے۔ اقوام متحدہ چارٹر تے قرارداداں دے تحت سلامتی کونسل دی کجھ اہم ذمہ داریاں نیں۔