بھارت، پاکستان تے خطے وچ ات گردی اسپانسر کررہیا اے:منیراکرم

نیویارک(مانیٹرنگ ڈیسک )پاکستان ولوں بھارت دی ریاستی ات گردی دے ناقابل تردید ثبوتاں اتے مشتمل ڈوزئیر اقوام متحدہ دے سیکرٹری جنرل انتونیو گوتریس نوں پیش کردتا گیا ہے،ریڈیو پاکستان دے مطابق نیویارک وچ قائم اقوام متحدہ دے ہیڈ کوارٹر وچ پاکستان دے مستقل مندوب منیر اکرم نے یو این سیکرٹری جنرل دے نال ملاقات کیتی تے ایہناں پاکستان وچ ات گردی دی سرگرمیاں وچ بھارت دے ملوث ہون دے بارے وچ بریف کیتا۔منیر اکرم نے اقوامِ متحدہ دے سربراہ نوں پاکستان وچ ات گرد حملیاں دی منصوبہ بندی وچ بھارت دے ملوث ہون دے حوالے توں آگاہ کیتا تے ایس نوں نوٹ کرن دا مطالبہ کیتا ۔بعدازاں اک ورچوئل نیوز کانفرنس دے نال خطاب کردیاں ہویاں پاکستانی مندوب نے آکھیا اے کہ بھارت، پاکستان تے خطے وچ ات گردی اسپانسر کررہیا اے۔بھارت پاکستانی معیشت نوں مفلوج کرنا چاہندا اے۔