اپوزیشن دا سرکار دے ہر کم وچ کیڑے کڈنا تے میں نہ مانوں دی رٹ مایوسی پھیلان دی نکام کوشش اے‘جمشید اقبال چیمہ
لہور (سٹی رپورٹر)انصاف ویلفیئر ونگ دے مرکزی سیکرٹری جنرل جمشید اقبال چیمہ نے آکھیا اے کہ وزیر اعظم عمران خان مشکل حالات دے باوجود چیلنجز دے نال نمٹن لئی پرعزم نیں تے بروقت تے درست سمن وچ فیصلے کر رہے نیں۔ اپوزیشن دا سرکار دے ہر کم وچ کیڑے کڈنا تے میں نہ مانوں دی رٹ مایوسی پھیلان دی نکام کوشش اے‘جمشید اقبال چیمہ نے اپنے بیان وچ آکھیا اے کہ کرونا وائرس دی وباء دی وجہ توں طاقتور معیشتاں دی بنیاداں ہل کے رہ گئیاں نیں۔ تے ساڈے وزیر اعظم عمران خان نے مشکل حالات وچ بروقت غیر معمولی فیصلے کیتے تے آن والے ویلے نوں وی پیش نظر رکھدیاں ہویاں منصوبہ بندی کر رہے نیں۔ اوہناں نے آکھیا اے کہ اپوزیشن نے کسی وی موقع اتے مثبت تجاویز نہیں دتیاں۔سبھ نوں خدا دی ذات دے نا ل دعا کرنی چاہیدی اے کہ سانوں مشکل حالات توں چھٹکارا ملے۔
