پاکستانی شہریت برائے فروخت نہیں کہ ہر کسے نوں دتی جائے: پشاور ہائی کورٹ

پشاور: قائم مقام چیف جسٹس پشاور ہائی کورٹ جسٹس قیصر رشید نے ریمارکس دتے نیں پاکستانی شہریت برائے فروخت نہیں کہ ہر کسے نوں دتی جائے۔ قائم مقام چیف جسٹس پشاور ہائی کورٹ جسٹس قیصر رشید تے جسٹس ناصر محفوظ تے مشتمل عدالت عدالیہ دے 2رکنی بنچ نے افغان خاتون دی پاکستانی شناختی کارڈ دے حصول لئی دائر عرضی تے سماعت کیتی۔ افغان خاتون دا موقف سی کہ اوہ 1981توں پاکستان وچ اے، اوہدے بالاں دے وی شناختی کارڈ بنے نیں پر اوہنوں شناختی کارڈ جاری نہیں کیتا جا رہیا، عدالت توں عرضی اے کہ اوہنوں پاکستانی شہریت دتی جائے۔ دوران سماعت قائم مقام چیف جسٹص نے ریمارکس دتے پاکستانی شہریت برائے فروخت نہیں اے کہ ہر کسے نوں دتی جائے، شہریت تے شناختی کارڈ جاری کرن لئی اک طریقہ کار ہوندا اے۔ نادرا نے ماضی وچ غلط طریقے نال لوکاں نوں شناختی کارڈ جاری کیتے، وزارت داخلہ خاتون دا ریکارڈ چیک کرن تے کیس نوں قنون دے مطابق ویکھے۔