بی آر ٹی منصوبے دی انکوائری، خیبر پختونخوا حکومت دا ایف آئی اے نال پورے تعاون دا فیصلہ

پشاور: خیبر پختونخوا حکومت نے بی آر ٹی دی انکوائری وچ ایف آئی اے نال پورے تعاون دا فیصلہ کیتا اے۔ حکومتی ترجمان اجمل وزیر کہندے نیں انکوائری روکن دا کوئی ارادہ نہیں، سپریم کورٹ وچ اپیل دا مقصد صوبائی حکومت دا موقف ساہمنے لیانا اے۔

تفصیلات دے مطابق خیبر پختونخوا حکومت نے بی آر ٹی منصوبے دی تحقیقات دے معاملے وچ فیڈرل انویسٹی گیشن ایجنسی (ایف آئی اے) نال پورے تعاون دا فیصلہ کیتا اے۔

صوبائی حکومت دے ترجمان اجمل وزیر دا ایس حوالے نال کہنا سی ایف آئی اے دی انکوائری روکن دا کوئی ارادہ نہیں، انکوائری فیصلے دے خلاف سپریم کورٹ نہیں جا رہے، سپریم کورٹ وچ اپیل دائر کرن دا مقصد صوبائی حکومت دا موقف ساہمنے لیانا اے۔

اجمل وزیر دا کہنا سی عدالتی فیسلے وچ بی آر ٹی دے خلاف کئی سوالات کیتے گئے نیں۔ سانوں ہائی کورٹ وچ موقف پیش کرن دا موقع نہیں دتا گیا۔ عدالتی فیصلے وچ کیتے گئے سوالاں دا جواب دینا آئینی تے قنونی حق اے۔

سپریم کورٹ صرف ایہناں سوالاں دے جوابات دین لئی جا رہے آں۔