بھارتی عزائم نوں شکست، پاکستان انٹرنیشنل ڈویلپمنٹ لاء آرگنائزیشن دا صدر منتخب
اسلام آباد: پاکستان سفارتی سطح تے اک وار فیر بھارتی عزائم نوں شکست دیندیاں ہوئیاں پاکستان انٹرنیشنل ڈویلپمنٹ لاء آرگنائزیشن دا 3ورھے لئی صدر منتخب ہو گیا اے۔ پاکستان جنوری 2021ء توں 3ورھے لئی آئی ڈی ایل او دی صدارت کرے گا۔ اٹلی وچ تعینات پاکستانی سفیر جوہر سلیم پاکستان دی انٹرنیشنل ڈویلپمنٹ لاء آرگنائزیشن (آئی ڈی ایل او) وچ نمائندہ کرن گے۔ ڈویلپمنٹ لاء آرگنائزیشن (آئی ڈی ایل او) بین الاقوامی سطح تے انصاف، معیشت، صحت، خوراک تے انسانی حقوق سنے دوجے شعبیاں وچ معاونت فراہم کردا اے۔ اٹلی وچ تعینات پاکستانی سفیر جوہر سلیم نے اپنے بیان وچ آکھیا اے پاکستان دا بطور صدر منتخب ہونا خوش آئند اے تے سفارتی سطح تے بھارت دی شکست اے۔ پاکستان تے اعتماد کرن تے آئی ڈی ایل او ممبران دا شکر گزار آں۔
