وزیراعظم دی نجائز منافع خوراں دے خلاف بھرویں کاروائی دی ہدایت
لہور: وزیراعظم عمران خان نجائز منافع خوراں دے خلاف بھرپور اقدامات کرن دی ہدایت کر دتی۔ وزیراعظم عمران خان اک روزہ دورے تے لہور اپڑے جتھے اوہناں نال وزیراعلیٰ پنجاب عثمان بزدار نے ملاقات کیتی۔ وزیراعلیٰ عثمان بزدار نے صوبے دے انتظامی، سیاسی امور تے عوامی ریلیف دے اقدامات، صوبہ بھر وچ سہولت بازاراں وچ سستے ریٹ دے شیواں دی فراہمی بارے وزیراعظم نوں بریف کیتا۔ وزیراعلیٰ نے پنجاب روزگار سکیم، انصاف میڈیسن کارڈ، باہمت بزرگ پروگرام، مہنگائی نوں کنٹرول کرن ، چینی تے آٹے دے قیمت وچ استحکام بارے حکومتی اقدامات توں وی وزیراعظم نوں آگاہ کیتا۔ وزیراعظم نے نجائز منافع خوراں دے خلاف بھرپور اقدامات کرن دی ہدایت کردیاں آکھیا عوامی ریلیف دے منصوبیاں وچ تیزی لیانا اے، پنجاب دے وکھو وکھ دور دی کارکردگی قابل تعریف اے۔
