کووڈ-19 توں پہلاں معاشی اشاریے نمایاں بہتری دی عکاسی کررہے سن، حفیظ شیخ

اسلام آباد(بیورورپورٹ ) وزیر اعظم دے مشیر برائے خزانہ تے محصولات ڈاکٹر عبدالحفیظ شیخ نے عالمی اقتصادی فورم نوں آگاہ کیتا کہ سرکار دی پالیسیاں دی وجہ توں پاکستان دے مالی تے کرنٹ اکائونٹ خسارے وچ نمایاں بہتری ویکھی گئی اے۔ میڈیا رپورٹس دے مطابق ویڈیو لنک دے ذریعے عالمی اقتصادی فورم دے کنٹری اسٹرٹیجی ڈائیلاگ دے مکمل اجلاس دے دوسرے حصے دے نال خطاب کردیاں ہویاں حفیظ شیخ ہوراں نے آکھیا اے کہ پاکستان دے کول بنیادی سرپلس اے جہدی مثال نہیں ملدی۔ مشیر خزانہ نے آکھیا اے کہ کووڈ-19 توں پہلاں معاشی اشاریے نمایاں بہتری دی عکاسی کررہے سن۔ اوہناں نے فورم نوں بریفنگ وچ آکھیا اے کہ موجودہ سرکار نوں 2018 وچ اک انتہائی غیر یقینی معاشی صورتحال ورثے وچ ملی اے۔ لہٰذا لوڑ توں زیادہ سرکاری اخراجات نوں گٹھ کرن، محصولات دی وصولی وچ اضافے، مارکیٹ توں چلن والے تبادلے دی شرح نوں متعارف کران، ٹیکساں وچ وڈی چھوٹھ نوں ختم کرن تے درآمدات دی حوصلہ شکنی لئی موجودہ مالی سرکارنوں سخت مالی نظم ضبط دا مظاہرہ کرنا پیا۔