سعودی شاہ سلمان بن عبدالعزیز دے پاکستان دی سلامتی و ترقی لئی تاثرات قابل تحسین نیں، اسد قیصر

اسلام آباد(بیورو رپورٹ) اسپیکر قومی اسمبلی اسد قیصر نے آکھیا اے کہ سعودی شاہ سلمان بن عبدالعزیز دے پاکستان دی سلامتی و ترقی لئی تاثرات قابل تحسین نیں، مسلم اْمہ نوں درپیش چیلنجز لئی یکجہتی ویلے دی اہم لوڑ اے۔ ایہناں خیالاً دا اظہاراوہناں نے پاکستان وچ تعینات سعودی سفیر نواف بن سعید المالکی دے نال گل بات کردیاں ہویاں کیتا۔ جنہاں نے ایہناں دے نال ایتھے ملاقات کیتی۔ ملاقات وچ دوطرفہ تعلقات تے باہمی دلچسپی دے امور اتے وچار وی کیتا گیا۔ اسپیکر قومی اسمبلی اسد قیصر ہوراں نے آکھیا اے کہ پاکستان سعودی عر ب دے نال اپنے خوشگوار برادرنہ تعلقات نوں قدر د ی نگاہ دے نال ویکھدا اے۔ اوہناں نے آکھیا اے کہ پاکستان نوں سعودی عرب دے نال اپنی سدا بہار دوستی اتے فخر اے۔ اوہناں نے مزیدآکھیا اے کہ پاکستان سارے گوانڈی ملاں دے نال خوشگوار تعلقا ت چاہندا اے۔ ایس موقع اتے سعودی سفیر نواف بن سعید المالکی نے آکھیا اے کہ سعودی عرب پاکستان دے نال اپنے برادرانہ تعلقات نوں بڑی اہمیت دیندا اے بلکہ مخلص دوست تے بھرا تصور کردا اے۔