ن لیگ دی درخواست دے باوجود پی ڈی ایم دا 30نومبر نوں ملتان وچ جلسہ شیڈول دے مطابق کرن دا فیصلہ
اسلام آباد(بیورو رپورٹ) مسلم لیگ ن دی درخواست دے باوجود پاکستان ڈیموکریٹک موومنٹ نے شیڈول دے مطابق ای 30نومبر نوں ملتان وچ جلسہ کرن دا فیصلہ کیتا اے۔ جدکہ پی ڈی ایم قیاد ت نے پشتون تحفظ موومنٹ دے سربراہ محسن داوڑ نوں ملتان جلسہ وچ شرکت دی دعوت دین دی پیپلزپارٹی دی درخواست رد کر دتی اے۔ محسن د اوڑنے خود وی آئندہ پی ڈی ایم دے کسی وی جلسے وچ شرکت نہ کرن دا اعلان کیتا اے۔ ذرائع دے مطابق مسلم لیگ ن ولوں نوازشریف تے شہباز شریف دی والدہ دے انتقال دے باعث ملتان جلسہ 30 نومبر توں اگے ودھان دی درخواست کیتی گئی سی۔ دوجے پاسے والدہ دے انتقال اتے نوازشریف نے سیاسی سرگرمیاں معطل کرن دا حکم دتا سی۔نواز شریف ملتان جلسے دے نال خطاب نہیں کرن گے۔ذرائع دے مطابق مسلم لیگ ن دی درخواست دے باوجود پاکستان ڈیموکریٹک موومنٹ نے شیڈول دے مطابق ای 30نومبر نوں ملتان وچ جلسہ کرن دا فیصلہ کیتا اے۔
