آصف زرداری نوں ضمانت تے رہا کر دتا گیا

اسلام آباد: پیپلزپارٹی دے شریک چیئرمین آصف زرداری نوں ضمانت تے رہا کر دتا گیا اے تے ایہناں نوں کراچی منتقلی دی تیاریاں وی مکمل ہو گئیاں نیں۔

اسلام آباد ہائی کورٹ نے پچھلے دیہاڑ اک کروڑ دے مچلکے دے عوض پارک لین تے میگا منی لانڈرنگ کیساں وچ آصف زرداری دی ضمانت منظور کیتی سی پر دستاویزات تیار کرن وچ تاخیر دی وجہ نال ایہناں دی رہائی ممکن نہیں ہو سکی سی۔آصف زردادی دے وکیلاں نے جمعرات نوں احتساب عدالت وچ ضمانتی دستاویزات جمع کرا دتے، ضابطے دی کاروائی دے بعد عدالت نے روبکار جاری کر دتے، روبکار جیل حکام نوں اپڑان دے بعد آصف زرداری نوں رہا کر دتا گیا۔