مریم صفدر نے وی وی آئی پی طریقے دے نال جیل کٹی: فیاض الحسن چوہان
لہور(سٹی رپورٹر)فیاض الحسن چوہان نے آکھیااے کہ مریم صفدر نے وی وی آئی پی طریقے دے نال جیل کٹی۔دس سال سرکار وچ رے پر جیلاں دی حالت زار اتے توجہ نہ دتی ایہناں دا فوری کزرونا ٹیسٹ کیتا جاوے تے مثبت آن اتے ایہناں قرنطینہ کردتا جاوے۔ وزیر جیل خانہ جات پنجاب فیاض الحسن چوہان نے نیوز کانفرنس کردیاں ہویاں آکھیا اے کہ تساں ایہہ آکھو کہ صبح اٹھن دی ذمہ داری وی سرکار دی اے۔ مریم نواز نوں جیل دی کینٹین توں کھانا منگوان دی اجاز ت سی۔ بیگم صفدر کافی، سینڈ چ تے چائے خود بناندی سی۔ ایہناں نوں چنگے ٹائلز والے واش روم دتے گئے۔ بیگم صفدر نوں اک سال بعد یاد آیا کہ جیل وچ چوہیاں والا کھانا دتا جاندا سی۔ فیاض الحسن چوہان ہوراں نے مزیدآکھیا اے کہ علیم خان نے چند ہفتے جیل کٹی، کروڑواں روپے جیلاں دی بہتری لئی لگائے، علیم خان ہن وی قیدیاں دی بہتری لئی معاونت کر رہے نیں۔ تن دن یہہ عام لوکائی دی قید کٹن تے ایہناں نوں نسلاں یاد آجان گیاں۔جیل حکام نوں آکھیاکہ شہبازشریف، حمزہ شہباز نے نال غیر انسانی رویہ نہ رکھیا جا وے۔
